LI TIRITERI
1) Zùrulu,
zùrulu, mastru Micheli: cci la tagliaru la cuda a lu cani,
si la
manciaru maritu e muglieri: zùrulu, zùrulu, mastru Micheli.
2) Sutta
un tavulinu c'era un parrinu cu l’oricchi longhi e lu nasu pizzutu nesci tu ca
si curnutu.
3) Chistu
è lu pani chistu è lu vinu chistu è lu hiuri di Sant'Antuninu.
4) Sutta
'u lettu da zza Cicca c'è na gatta sicca sicca, cu parla primu, sa va licca,
iu sugnu
figlju du spizziali pozzu arridiri e pozzu cantari.
5) Pitti,
pittè, la mamma nun c'è ji
o mulinu, porta un saccu chinu,
chinu di
manna, chinu di stuppa, veni la ciaula e si l'ammucca.
6) Cannilora, cannilora, la 'mmirnata è jttata fora;
ma si 'un
veni la 'Nunziata la 'mmirnata 'un è passata.
7) Nesci lu suli cu tri cavaddi d'oru: unu d'argentu pi fari frummentu;
lu frummentu è di quaranta, tutta la notti canta; canta viola viola,
susi,
bamminu, vatinni a la scola; tò mammma ti chiama, la missa ti sona.
8) C'era 'na
vota un re ca si cacava davanti e darre
e c'era 'na
regina ca cacava nni la trina.
La trina
era spunnata e cacava nn'a pignata
'a
pignata era rutta e cacava nni la grutta
nni la grutta cci chiuvìa e cacava mmezzu la via.
9( Voca e vucagna lu re veni
da Spagna,
Spagna e
spagnola purtà 'na cosa nova pisciteddi fritti cu l'ova.
10) Manu
moddra, manu moddra, lu Signuri ti la 'ncoddra
^
ti la 'ncoddra cu lu pani e cu lu vinu, tu si figliu di San Paulinu.