MARIA CONCETTA NARO
Lu
Jera un viulu
niuru di cuticchi
e turrenu grassu
chiddu ca purtava
a la casa
dda ‘ncapu la= puntara
unni un purtuniddu di lignu
tinciutu e ritinciutu
grapiva li porti
d’un munnu biancu…=
biancu di issu
e di maduna muschiati…
…e shiauru…
shiauru di ummitu e=
di lisciva
quannu,
carrichi di trusci,=
arrampavamu la scala
e
acchianavamu lli
frischi di ummira
e di silenziu
e li inchivanu di vuci
e di chiamu…
…e shiauru
di farina ‘mpastata
ccu lu criscenti
a fari panuzzi tunni<= /p>
chini di giurgiulina
ccu l’uvu
e guasteddi russi di
pumadoru pilatu
e shiaurusi
di angiova salati
ca lassavanu ‘= ;mmucca
sapuri di cinnirazzu
e d’amuri…
…e li minnuli scurchiulati
di sira a lu lustru trimulianti
d’un lumi a petroliu
mentri paroli carmi= e misurati
cuntavanu storii an= tichi
di re e di reggini…
e li cursi
sutta li fastuchi
e mizzu all’aulivi
mentri spini e ramuzzi sicchi
nni sgramignavanu
li gammuzzi tenniri
ppi rapucciari
l’urtimi sprazzi
di lustru…
e arrivari intra stan= chi
e affamati di pani e di sunnu…
…e dd’acqua frisca
di quartara
e ddi ficu biddi
bianchi di latti
ca si grapivanu a f= ari vidiri
li carni virmigli
grassi e zuccarini…
llu filu di la memo= ria
quanti ricorda
mi vinu a la menti
e mi inchinu lu cori<= /p>
di fiatu e di respira…
e mentri
lu vintu cutulia
li stessi arbuli d’auli= vu
ca mi vittiru piccilidda
ccu li scarpi
chini di stirru
e li manu
chini di spranza
na lagrima ‘mpertine= nti
arrinnesci a scappari
curri, si ferma …
…e mori…