|
GENOVA CAMOGLI RAPALLO CHIAVARI LAVAGNA SESTRI L. S.STEFANO |
 |
INDICE FOTO VALGRAVEGLIA BORZONE PENTEMA CAST. PIETRA PIEVE L. PORTOFINO |
Santuario N. S. della Guardia
 |
 |
|
L' apparizione dal libro "A storia da Madonna da Guardia"
in genovese di Portoria stampato nel 1900: ... Eimo d'agosto, e un ommo divoto da Madonna In çimma do Figogna o l'aspëtava a donna Ch'a ghe portesse, a-o solito, lasciù un pö de disnâ, E ghe pâ ch'a se fasse anzi ben ben sospiâ. O fosse perchè o l'ea proprio lasciù in sce-a çimma, O dunque ch'a n'avesse posciûo mesciäse primma; O che d'in tanto in tanto a sciacche una nisseua, Perchè chi ha a pansa pin-a no pensa a chi l'ha veua; o fæto sta che a quello a ghe batteiva ben, E ghe mancava e forze scin-a pe segâ o fen. O l'ea montoû là in çimma c'un pö de fugassin, C'ha fa paì tanto succoû l'aietta da mattin. A giudicâ dä famme, dex'öe ean za sunnæ: «Sta a vedde ch'a s'ascorda... E za, con ste comme!...» E amïa... amïa... amïa... no gh'é un'anima viva; «Questa ch'a va doî södi! Sta a vedde ch'a n'arriva!... Poscibile!... Che segge successo ancon quarcösa?...» O fa pe giâ a messûïa, ma doppo un pö o se pösa. |
Ve-o che lì tutt'assemme o vedde che ghe ven Incontro là quarcösa ch'o no distingue ben. Pe 'n öta!... o fa, e o se mescia, ma o resta lì incantoû Davanti a una figûa che s'é presentoû. Bella d'una bellezza che chì a no s'é mai vista, E c'una luxe intorno ch'a ghe fa perde a vista. Ve poeì pensâ o Beneito! O l'é restou de stucco, Senza respio, co-a faccia d'un vero mammalucco. «No sta a troväte pûïa, Beneito, e no scappâ; Son a to caa Madonna e te vorriæ parlâ». A ste parolle quello o tia za ciù o respio, E a poco a poco o piggia un pitinin de gio Co-i euggi a quella luxe, ch'a ven segûo da-o çe, Co-e öegge a quella voxe ciù döçe dell'amê. «Ti o sæ, mæ cao Beneito, cöse veuggio da ti? Veuggio una cappelletta, ti veddi, proprio chì!» ... «Ti veddi, questa çimma me l'ho piggiâ per mi, E veuggio proprio, pe aoa, una cappella chì. De chì, mæ cao Beneito, sparziö e mæ grazie in gio; Sto monte o saiä sempre beneito e beneixio!» ... |
| INDICE FOTO | GENOVA << 11 12 13 14 15 16 17 18 >> |