Già unu mese ch'as passadu fora
Da-e sa delisciosa domo tua....
E mama cantas lagrimas a cua
Seccuttat da-e sero a s'aurora!

Babbu, sorres e frade, tias caras
In cust'ossessione, notte e die,
Sun'in s'isettu de abbrazzare a tie
Ca li fis tue perla 'e sas pius raras.

Non lis naras comente ses trattadu
In cale maja ti ch'han inferzidu,
In percia o in angrone costoidu
O in calch'idda.... In nd'un iscantinadu?

Ue ti podet chircare sa zente?
Non s'hat indicu in ue tue paras,
Ne cun sas nues segretu no naras
O cun sos bentos ch'enin da-e oriente.

Cale sun sos coiles chi attraessas?
In calchi fundu 'e nuraghe ti cuan......
Sas roccas restan mudas, no attuan
Forsi a tinn'illanare..... bi resessas!....

Ispera in cussa proa...e torra a domo
Ch'in nd'un'unda de lagrimas dolentes
T'abbrazzana sos intimos parentes
Sos chi t'istiman e t'isettan como!

Tottu pregamos in sa 'idda intrea
Chi torres chena pesu nè granghenas,
Dae sas chi sun in dolimas e penas
De te isolvan sa mala trobea.

Torra in brazzos de chie ti hat penadu
Torr'in su coro de chie ti hat nutridu
A chie ti hat ninnadu e assistidu
Pro l'iscaldire su coro allizzadu!...

E pregan s'Apostolicu Vangelu
Sos comitados chi si sun formados
Isettende chi 'enzan abbrazzados
Ch'ei s'Arcanghelu ch'enit da-e su Chelu!......

Per Titti Pinna
Poi de otto meses se presonia
liberadu ti ses dae sas cadenas
tiche ana leadu in biddas anzenas
preghenne ses bistadu a Deus e Maria
pro ti alleviare tottu cussas penas
E no has mai finidu de isperare
de domo dua de potet torrare.
Como chi tottu cussu est passadu
sa vida passes allegramente
e no penses pius a cussa zente
Ai cussos chi gai male than trattadu.
Bonolva in cussos meses
no t'hat immentigadu
c'ha su coro sou pianghet amaramente
E como serrenne custa poesia
Tantos augurios ti fatto deo dae parte mia

Per Titti Pinna
Sas campanas a festa sun sonende
Pro Titti Pinna chi s'est liberadu
sa zente commovida pianghende
nende Deus siat ringraziadu.

Custu est miraculu divinu
it presente sa forza sovrumana
sa medaglia chi teniad in sinu
de sa Mama Celeste soverana.

Otto meses de zella e sepoltura
chena bidere ne luche ne ispera
su foraggiu li faghiat copertura
azzudu et cunfortu in sa preghiera.

Invocande a Deus cun amore
comente anima isconsolada
e in su coro tantu ardore
pro Maria nostra Avvocada.

Issa ponzat in sa bona via
su giustu et su peccadore
Mama de s'Eternu Messia
inediade onzi errore.

A Titti saludu li dade
e cantu in coro brama
e su male rimediade
de sa pobera mama.

De coro at perdonadu
comente Deus in sa rughe
ca sa vida l'han lassadu
Signore dadelis lughe.