Ol mònt l'istà 'n pè a bale

Mè dovrài a fà bordèl perche' l'òm l'è semper chèl
piè de bàle de 'nventà che i völ töcc de fà balà.

Töt al mònt a l'fà straèt coi sò bàle de fà crèt.
Se gh'è dèbecc de pagà, quàter bàle a i pöl indà.

Quando s'nàs e quando s'mör gh'è i sò bàle de fà töt.
Per spusàs a gh'è chi bèle che ghe piàs per i pötèle.

Ma i famèe de tègn insèm con le bàle i và a rödel.
Töt ol crèdet de la zèt sö du bàle l'istà 'n pè.

Ma la zèt mè contentàla co de bàle per sfrötàla.
L'è öna fàbrica che rènt perchè töcc i völ ispènt.

Perchè i bràe se i è tròp bù a i deènta boiassù.
E chi òter iscè-scè a i è bù se ghe convè.

Ma i völ töcc la èrità se i è bàle de gratà.
Perchè 'l mònt l'è fàcc iscè, coi sò bàle l'istà 'n pè.

Fin che ü dè l'iscioperà e i sò bàle a i finirà.

Versetti dialettali di don Giulio Gabanelli (Zogno)

homepage