MONTI DI MOLA

In li Monti di Mola

la manzana

un'aina musteddina era pascendi

in li Monti di Mola

la manzana

un cioano vantaricciu e moru

era sfranchendi

e l'occhi s'intuppesini cilchendi ea ea ea ea

e l'ea sguttesi da li muccichili cù li bae ae ae

e l'occhi la buriccia aia

di lu mare

e a iddu de la tive escia

lu Maestrale

e idda si tunchia abbeddulata ea ea ea ea

iddu le rispundia linghitontu ae ae ae ae

"Oh bedda mea

l'aina luna

la bedda mea

capitale di lana

Oh bedda mea

bianca foltuna"

"Oh beddu meu

l'occhi mi bruxi

lu beddu meu

carrasciale di baxi

lu beddu meu

lo core mi cuxi"

Amori mannu

di prima 'olta

l'aba si suggi tuttu lu meli di chista multa

Amori steddu

di tutte l'ore di petralana lu battadolu

di chistu core.

Ma nudda si po' fa nudda

in Gaddura

che no lu énini a sapi

int'un'ora

e 'nfattu una 'ecchia infrascontata fea ea ea ea

piagnendi e figgiulendi si dicia cù li bae ae ae

"Beata idda

ùai che bedd'omu

beata idda

cioanu e moru

beata idda

sola mi moru

ià me l'ammentu

beata idda

più d'una 'olta

beata idda

'ezzaia tolta".

Amori mannu

di prima 'olta

l'aba si suggi tuttu lu meli di chista multa

Amori steddu

di tutte l'ore di petralana lu battadolu

di chistu core.

E lu paese intreu s'agghindesi

pa' la coiu

lu parracu mattessi intresi

in lu soiu

ma a cuiuassi no riscisini

l'aina e l'omu

chè da li documenti escisini

fratili in primu

e idda si tunchià abbeddulata ea ea ea ea

iddu li rispundia linghitontu ae ae ae ae