Here are the best web browsers available for venetian and ladin speakers or for venetian language students - Download them for free
Web browsers for Venetians - To use these apps you need an updated O.S. (XP, Vista or Windows7)
Navegadori de web in lengua - Par dopararli te gà da ver un sistèma axornà (XP, Vista o Windows7)
Senpre pì !=Maxthon 3=! Pì stàbiƚe, co' pì stromenti, stra-veƚòce, praticamente na sita so 'l so motor Safari, ma anca conpatìbiƚe co' pàxine vèce codifegàe par Explorer. Tradutor istantanio, descargador de videi (Youtube e altri), sonòri, someje ect. Co' tuti i stromenti pì apresài de MX2: "clica e strasina" par serca istantània so na tavèƚa niova, multi motor de serca, modaƚità "reader" par lèxar i blog e ƚe pàxine de tèsto cofà pàxine de un libro, sensa elementi de intrigo. Senpre oviamente par uxo so sistèmi XP (SP3), Vista, Seven.
Maxthon 3
Par Maxthon 3.1.3.1000 el file de lengua el xé decoroxamente sodisfante. Descarga e còpia inte ƚa sòƚita cartèƚa de MX3/language.
(MX3 se pol istaƚarlo anca darente MX2, i xé do programi difarenti, e se pol desernir se doparar uno o staltro. Se pol descargarlo a gratis da'l sito ofisial clicando cuà.).
Se te vol, adata el file de lengua a ƚa to lengua mare.
Prova, xé fàsiƚe.
Manda a veneto{ponto}arkivio{bovoƚeto}tiscali{ponto}it el to file in grafìa unitaria da métar online so sta pàxena
|
|
Maxthon2
El xé un navegador Unicode universal estexo co' funsion potenti e gualive da doparar.
Baxà su librerìe IExplorer (el che permete navegasion afidàbile co' tute le funsion previste da Microsoft, come prexenpio la vixion de i font incorporài 'te le pàxine, 'l acèso a tuti i script java pì comuni, foli de stil co' mexure e coƚori precixi, ect), el gà inoltra funsion de navegasion potensiàde e estendìbili ulteriormente co' mijère de plug-in (ma cueƚe de sèrie ƚe xé xà pì che suficenti anca par i smanetoni de internet pì navegài). El xé fra i pì veƚòci disponìbiƚi, a pari de Chrome e Mozilla Firefox e ƚe version de Explorer precedenti el 8. Se pol descargarlo a gratis da'l sito oficial clicando cuà.
Te pol anca descargar el file de lengua (click drèto e "salva co' nòme). Sàlveƚo indretamente inte ƚa to cartèƚa "Maxthon/language/Venetian" o "Maxthon/language/Lengua mia" (o daghe el nòme che te piaxe mèjo) o sàlveƚo da calche altra parte e pò còpia-incòƚa inte ƚa cartèƚa che te te farà da to pòsta. Masa difìsiƚe da dir, scrìvar e lèxar? Faƚo, che te fà prima.
Vusto far oncora prima? --- Descarga cuesto, e "dopio click".
Se te vol, adata el file de lengua a ƚa to lengua mare.
Prova, xé fàsiƚe.
Manda cuà el to file in grafìa unitaria da métar online so sta pàxena
|
|
|
Opera USB
El xé un navegador de web+email portàbiƚe
El xé conplèto de tuto, navegador de web e programa de email (Unicode ma nò HTML). Atension che el programa de email el laora difarente da staltri client de pòsta (vedi istrusion). No ocor istaƚarlo, basta copiarlo indove che se vol (tipicamente in te na ciaveta USB da portarse drio) e po' far partir el file Opera (cueƚo de l' icona co' ƚa "O" rosa). No'l gà comodità come el "seƚesiona e strasina" par sercar diretamente un tèsto come in Maxthon, ma el xé veƚòce e guaƚivo. El file de lengua el xé par ƚa version 9.27. El funsiona poƚito anca co' ƚa version 9.63 (pì avansada) ancaben calche voxe de menu nova no ƚa sipia tradota. Descarga da cuà soto cueƚo che te piaxe mèjo:
Descargar e lèxer prima (word co' istrusion de baxe)
Come trasferir ƚa rubrica da Outlook/O.Express a Opera
Se te vol, adata el file de lengua a ƚa to lengua mare.
Prova, xé fàsiƚe.
Manda cuà el to file in grafìa unitaria da métar online so sta pàxena
|
|
Descarga Opera USB 9.27
Descarga Opera USB 9.63
|
| Prosedimento: |
Prosedimento: |
- Descarga Maxthon
- Istaƚa Maxthon
- Descarga/Invìa el programa de lengua auto-istaƚante (o còpia el file de lengua come descrito sora)
- Fato - Fà partir el navegador da l'icona Maxthon2 e desernisi "view/languages/venetian"
|
- Descarga e còpia Opera indove che te vol
- Fato! - Fà partir el programa da l'icona "O"
|
In fondo pàxena altri navegadori sensa supòrto unicode
POP Peeper
El supòrto de POPpeeper (programa de gestion de email) el xé sospexo. No'l gà supòrto Unicode e inoltre co' ƚa riedision niova no xé posìbiƚe ricuperar ƚe stringhe co' ƚa tradusion vèneta in uxo prima. Cuà ghemo decixo che rifar tuto no val ƚa pena in rapòrto a ƚa cuaƚità e utiƚità de 'l programa.
Skype
Cuà semo inte 'l canpo "para"-navegadori e pòsta letrònega. Skype el xé in realtà un programa par teƚefonar via internet a tuti i teƚèfoni che se vol, e anca video-fonar a gratis "Skype-so-Skype" (cioè fra utenti che i lo gà istaƚà). Ma el gà anca funsion de chat (IM, Instant Messaging) e pòsta vocal. El file de lengua el xé in faxe grexa, ma suficente a uxo normal (chi che i pol proarlo co' tute ƚe funsion el pol farlo e signaƚar còsa che ghe xé da corèxer eventualmente so ƚe stringhe de mesajo e istrusion). Come interfacia el xé un fià un pastròcio de divèrse finèstre e divèrsi stili, in parte suportanti i caràteri Latin Extended additional e in parte nò, cusì el file destribuìo el gà el famoxo èle poƚaco anca doparà in altre ocaxion da i vèneti sentràƚi e venesiani. Oviamente val senpre el invito a far ƚe version locaƚi anca in altre varianse; co' Skype xé oncora pì fàsiƚe parché el gà un editor de lengua incorporà (!). Veronexi, trentini, triestini i gavarà anca manco problèmi daché no ghe ocor èle tajài, e feltrin belunexi e vèneto sentraƚi che i scrive co' interdentaƚi i pol ben doparar i dìgrafi a 'l posto de i grafi. Se pol descargarlo da sto link (clik drèto e "salva co' nòme"; DESZIPAR, o come che se ghe dixe, parché el xé un file conprèso .zip; cargar da tools/change language/load language file).
Se te vol, adata el file de lengua a ƚa to lengua mare.
Prova, xé fàsiƚe.
Manda cuà el to file in grafìa unitaria da métar online so sta pàxena
|
|
Calche funsion de Maxthon2:
- Conpatibi
lità piena co' estension Microsoft e cioè acèso a tuti i script, tags, stylesheet, e tenologìe (come la vixion de font incorporài 'te le pàxine)
- Inportasion/esportasion preferidi da, e vèrso, Explorer. Inportasion preferidi da Firefox.
- Navegasion a tavè
le, schède co' na ticheta che la ripòrta el tìtolo de la pàxena, tute 'te la stesa finèstra.
- Posibi
lità de vèrxer un account personal su'l sito de Maxthon par salvar inpostasion o acéder a funsion particolari
- Zoom ctrl++, ctrl+-, par aumentar o diminuir ingrandimento de
la pàxena vèrta
- Catura schèrmo: se pol far
la someja de la finèstra, de un ogèto, de na porsion, de tuto el schèrmo... E salvarla so'l disco.
- Co
letador de nòde a schède, par ciapar apunti, sora apunti, sora apunti...
- Blòco de i popup e de i reclani "a bandièra"
- Funsion de sparagno risorse persona
lixàbile
- Sentenère (o mijère) de plugin descargàbi
li gratis
- Sentenère de skin gratis
- Super MSA, turbo-navegasion a ve
locità oncora pì alta
- Confegurasion paso-paso, par darghe inpostasion a'l programa drio dimanda e respòsta
Altre risorse, par altri sistèmi operadivi e sensa Unicode, in fondo pàxena
Maxthon2: full Unicode support:
Maxthon2 el supòrta pienamente Unicode. Tute le lengue le xé suportàe sensa instalar font par ognuna e inserìndose conpletamente in te le funsion "core" de'l sistèma operadivo, finèstre de avertensa, form ect.
Un secondo par canbiar "skin" (vèsta, aparensa), clicando so l'icona:
Un secondo par inportar i
preferidi da Explorer, o da un file de preferidi:
Conpletamente
personalixàbile:
Risorse de navegasion non Unicode, o par chi che no'l gà el sistèma axornà co' IExplorer7, o version de Windows precedenti XP
File de lengua par Maxthon2 (version par sistèmi obsolèti)
Par chi che el gavese el sistèma operadivo XP o sucesivo, ma no oncora pienamente axornà, ghe xé un file de lengua alternadivo par Maxthon2 (estexo a Latin Extended 2), e se lo descarga da cuà. El xé auto-istalante (se pol modifegar la cartèla de destinasion se el programa Maxthon2 el xé su naltro disco difarente da C:).
El file de lengua par Maxthon Classic (oncora pì obsolèto) el xé stà cavà da sta pàxena
Mozilla Firefox
El browser Mozilla Firefox (vedi) el gà anca un file de lengua (minimal, nò Unicode) in vèneto
