Costauta, al nome dis duto,
poió su na chipa sto bel paesuto
in medo a prades e bosche de rada
gno che pos vede duta la valada.

A sguazó duta note zenza remision,
bonora e freido, ma é saregn,
le crode bele nete te fa lustré i voi
in medo a cle cede dute de legn.

Là par chi loghe é profumo de legne
che intasonade speta l'inverno,
gozleia dai querte ncamò l staladegne
al freIdo someia cal seia eterno.

Le zirie dola parsora i querte,
le vespe e i mosogn rugna sui fiore,
i barcogn dle cede é med averte,
al ciampanin d Sant'Ana segna le ore.

Quance anziane é par chi loghe
che tavaneia o conta storie sul bance,
ormai anc lore a fat i so foghe
e ai dogn ch é restade: "Canai tirè ignante!"

Le stale é ben poce, ma se continua a sié
s taca dant ceda e dop intorne tabié,
al profumo dal fien te verde i polmogn,
ma quance sacrifizie par doi fase d chi bogn!

Su par Mont Do iné là picó
n paesuto d legn dut ingrumó,
se tlo vos vede, mola duto e và,
par ved Costauta n ocor nanche pagà!

Blun, 8 luio 2009

Bortolino da Ciampdel