Storia e Folklore Calabrese
di Domenico Caruso

Poesia dialettale

Maria Antonietta Casmiro

E' nata a Laureana di Borrello (Reggio Cal.) ma risiede a S. Martino di Taurianova (R.C.), dove insegna presso le scuole elementari. Assieme al marito Domenico Caruso ha introdotto il Teatro nella scuola dell'obbligo e promosso numerosi esperimenti didattici, coronati dal più vivo successo. Nel 1979, in occasione dell'Anno internazionale del fanciullo, celebrò la ricorrenza con uno spettacolo teatrale e la creazione di un gruppo folcloristico che coinvolse gli alunni della Frazione e del Centro.
Nel 1981, unitamente al coniuge, presentò il collage "E' questo l'uomo", a cui assistettero oltre duemila spettatori. Altre iniziative (come la creazione di alcuni carri allegorici premiati nel 2000, allestiti con la collaborazione dei docenti del plesso in cui opera) hanno rivelato l'indispensabile ruolo della scuola nello sviluppo morale e civile della società.
Talvolta, mediante la satira, M. Antonietta Casmiro ha inteso mettere in evidenza i problemi ed i valori - spesso trascurati - del nostro tempo. Troviamo un esempio ne "Il convegno della scuola", segnalato nel 1° Concorso Naz. Letter. Artistico "Comune di Longobardi" - CS ("Calabria Letteraria" n. 7/12 - Luglio-Dic. 1981).

'U convegnu d' 'a scola
Pe' chista occasioni,
amici me' cari,
di nostri cotradi (fanciulli)
vi vògghiu parlari.

Già tutti sapiti
ca cu' 'ndi dirigi
volìa pemmu còpia
perfinu Parigi.

Ma se fati casu
'u truccu cca nc'è:
'a scola finìu
cu tuttu Piaget!

'Ndi sapi cchiù chidu
chi libri non leji,
ca cu' va' dicendu:
- No' studi e ti preji? (gioisci) -

Caduti già furu
li santi valori
e mo' vaci avanti
cu' trova favori.
Cumanda cu' 'mbrògghia,
l'onestu è 'na rogna,
si spara, s'accìdi (si uccide)
a Roma, a Bologna…

Cu' cridi ca càngia
'stu mundu abbattutu,
se mancu lu Papa
da nudu è sentutu?

Per ogni Guvernu
cu' 'nchiana e cu' scindi,
ma pe' la pilorma (danaro)
cu' poi no' si vindi?

Giustizia e lavoru
su' belli paroli:
'nci vònnu li fatti,
me' cari figghioli!

Cu' chistu progressu
la vita s'arresta,
se non c'è cchiù genti
mu penza c''a testa.

Cu' dici e cu' sdici (smentisce),
cu' vaci e cu' veni:
'mparàmu, figghiòli,
volendoci beni!

Chi vo' pemmu 'mpari,
maestra pulita, (carina)
se chidu chi dici
no' servi p''a vita?

L'ambienti, si dici,
'nci voli studiatu…
aundi cu' parla
po' veni ammazzatu.

'Nu veru Maestru
'na vota 'nci fu:
e 'n cruci fu misu
lu caru Gesù!

Cu' 'nd'havi li cugna (raccomandazioni)
lu postu si pìgghia,
se puru è 'nu ciùcciu
cu' tutta la brìgghia.

Cangiaru la scola,
cacciaru li Santi
e d'ora 'ndavanti
su' tutti 'gnoranti!

Da tutti li parti
si dici: "Votati"
e già li cotradi
li vonnu "schedati".

Distretti e Cunsigghi (Consigli di Circolo)
chi vo' pemmu fannu,
s'arretu la Leggi
si trova l'ingannu?

A' postu d''a scola
'nci staci 'u Partitu
e se no' st'attentu
si' bellu e finitu!

Sanamu cchiuttostu
la grandi 'gnoranza:
li belli paroli
no' lìnchinu panza.

Ad ogni malannu
c'è sempri riparu,
se ogni famìgghia
diventa n'artaru (altare)

se stampa e fumetti,
cu' cine e tivù
cu' novi programmi
'ndi lèvanu su.

Sarvamu 'i 'nnocenti
da chistu fracellu:
'u mundu si sarva
s'ognunu è fratellu.

Coraggiu, me' cari,
studiamu i problemi
e pe' stari forti
stringìmundi assemi!