NAPULE

Cielo…

‘na pennellata ‘e blu ca tegne ll’aria…

‘na férza azzurra ‘ncopp’ ’o mare verde,

ca sbatte ‘nfaccia ‘e scoglie nirofummo

comm’a ‘na scumma janca

ca fragne…

sbolle…

se perde…

Chisà pecché ‘sti cuntraste ‘e culure!

Dint’a chest’acqua se specchia

Napule bella mia

ca, rusata ‘e case,

azzurrata ‘e cielo,

smeraldo p’ ’o mare verde,

se stenne…

placida…

alléra…

felice…

‘ntulettata da ‘e sciure,

‘ncipriata ‘a ‘na nuvola,

‘mbriacata da ‘o sole!

E io miezo stupetiato…

stunato…

aspetto ‘a nuttata

pe’ m’astregnere a Essa…

pe’ me vasa’ ‘stu cielo avvellutato…

pe’ sperderme ‘int’ ’o verde

‘e ‘stu mare ‘ncantato!!!

 Vittorio Aprea

per l'acquisto del libro

 contattare l'Autore:

.:: Email ::.

per leggere la prefazione di Francesca Santucci

Prefazione





 

in rete dal 28/4/2005