Giovan Battista Vigo
(1844-1891)

Cresciuto in orfanatrofio, fu facchino di carbone e poi maestro elementare. Raccolse in Fili d'erba (1889), la sua produzione poetica, molto vicina alle esperienze del crepuscolarismo italiano.

  O mâ o canta

Quande co-i mòuxi s'armonizza o vento,

e ciù de 'n tron da-e nuvie se desccianta,

sentî lazzù da-a lunxi o mâ chi canta

con quelle voxe chi ve fan spavento.

E quande con soave mormoamento

stanco de scheuggio in scheuggio o mâ s'agguanta,

sentî comme 'na voxe chi v'incanta,

chi ve commeuve ciù d'un sentimento.

E comme canta o mâ ne-e sò tempeste,

cantemmo noî de raggia e de magon,

e femmo comme lê furie d'Oreste.

E comme o mâ chi spande a sò canson

tra o çê luxente, tra sorrisi e feste,

coscì da-o cheu scaccemmo unna pascion.

Il mare canta Quando con le onde si armonizza il vento / e più d'un tuono si spicca dalle nubi / udite laggiù lontano il mare che canta / con quelle voci che mettono spavento. / E quando con soave mormorio / il mare si trascina stanco di scoglio in scoglio / udite come una voce che v'incanta / che vi commuove più d'un sentimento. /  E come canta il mare nelle sue tempeste / cantiamo noi di rabbia e malinconia, / e facciamo come lui le furie di Oreste. / E come il mare spande la sua canzone / tra cielo lucente, tra sorrisi e feste, / così dal cuore scacciamo una passione.

O disinganno

Quand'ëa figgeu me paiva o çê ciù bello

e ciù luxente e stelle, a lunn-a e o sô,

e ciù soave o canto de l'öxello,

messaggê do spontâ do primmo arbô.

In sce l'orlo d'un fiumme o d'un rianello

scorrivo a grïgoa, e o grillo cantadô;

e schittando pe-i proei comme un frenguello,

m'innamoavo d'ogni erba e d'ogni sciô.

A ciæabella scorrivo, a farfalletta,

a l'imbrunî, vixin a-i campisanti;

sensa trovâme puìa da sciâ Cicchetta.

Ma poi, vegnindo a l'uso da raxon,

questo mâ, questo çê, con questi incanti,

me son comparsci un seunno, unn'illuxon!

Il disinganno Quand'ero bambino il cielo mi sembrava più bello / e più brillanti le stelle, la luna e il sole, / e più soave il canto dell'uccello / messaggero dello spuntare del primo albore. / Sull'orlo di un fiume o di un ruscello / inseguivo la lucertola, il grillo canterino; / e saltando per i prati come un fringuello / m'innamoravo d'ogni erba e d'ogni fiore. / La lucciola inseguivo, la farfalletta, / all'imbrunire, vicino ai cimiteri; / e non avevo paura della morte. / Ma poi venne l'età della ragione, / e questo mare, questo cielo, con questi incanti / mi sono parsi un sogno, un'illusione.
 

Elenco degli scrittori
Home page