witz

volete far piangere un triestino ? fategli ascoltare questa canzone !

• noi semo i 3 tre
• vignudi da' l'oriente
• per adorar Gesù
• Gesù bambino nasse
• con tanta povertà
• nè fisse el gà ne fasse
• nè fogo per scaldarse
• san Giusepe vecierelo
• cossa el porta in quel zestelo
• una fassa un paniselo
• per infasar Dio belo
• Dio belo xè morto in crose
• per la passion de noi
• o caro el mio Dio
• xè morto per noi
• beati i ciodi del nostro Signor
• che xè stà inciodado
• con tanto dolor
• con tanto soffrir
• con lancia rovente
• e Cristo soferente

• dismissiar qualchedun
•                           dormir come un zoco
•                                          prometer Roma e toma
•                                                                         far sach in pach
  

• xè storto el palazo, xè bruta la tore
• ma Michez e Jachez ne bati le ore
• e Tinza e Marianza, che stà sul porton
• le varda le siore, che vien al liston

• alegri sù ragasi
• meteve la velada
• la piaza dei pupazi
• xè quasi terminada

• per quando la colma, butada del mar
• inonderà li ke la loza el bazar
• un ponte modelo, xè zà preparà
• per chè no se neghi
  
• el sior Podestà

• alegri sù putei
• meteve la velada
• la piaza dei babei
• xè quasi terminada
  

• Michez e Jachez cò bati la una
• le guardie spasiza* al ciaro de luna
• Michez e Jachez cò bati le tre
• in qualche contrada
• se verzi i cafè
• vien zò le sberchize, dai loghi lontan
• coi mussi ben carighi, de late e de pan
  

• Michez e Jachez cò bati le quatro
• i mandrieri i ciapa l'aratro
• i scovastrade se alza del leto
• i ciapa la scova, el badil, el careto
  

• Michez e Jachez cò bati le sie
• i arsenaloti se alsa zà in pie
• al son de campana, i ciapa paura
• se tardi i riva, i cori in premura
  

• Michez e Jachez cò bati le sete
• pal Corso se vedi le prime zivete
• al pian bel belo, dopo de quele
• zò de baso vien le sartorele
  

• Michez e Jachez cò bati le oto
• tuti i scrivani i cori de troto
• in boca el sigaro, in man el baston
• e i buta l'ociada per ogni balcon
  

• Michez e Jachez cò bati le nove
• anche i agenti* alora se move
• Michez e Jachez cò bati le diese
• tute le babe coi cesti de spese
• in mezo a la strada se ferma a babar
• nè cristi nè santi le pol distacar
  

• Michez e Jachez cò le undise bati
• per tute le case i prepara i piati
• e tuti i siori, ciamai dal porton
• i se alsa del leto, e i cori al liston

(divento' poi l'inno delle truppe imperiali triestine sulle linee Galiziane)
A seguito del successo della manifestazione, anche il teatro Rossetti organizzo' dei concorsi, che a causa della seconda guerra finirono quasi nell'oblio. Dopo il 1946, la famigerata Lega nazionale, organizzo' dei festival dove, guarda caso, venivano premiate quelle che invocavano l'Italia, la redenzione e altre menate varie, Carlo de Dolcetti, figlio di una casata nobile ai tempi dell'impero, ma di cui non ricordava i trascorsi, si diede molto da fare per pubblicizzarla con enfasi patriottiche, raggiunse il culmine della sfrontatezza dichiarando che prima non fossero esistite canzonette tipiche ma scimmiottamenti di altre molto note, la propaganda continuava la sua opera.

alcune canzoni che spopolarono nel 1947

fior de Trieste fiori de Rena i disi che l'amor xè una cadena che che canta per passion el se invelena ! fiori de Rena fior de Ponziana ma co' te va' lontan sto cuor se afana e stago mal per qualche setimana ! fior de Ponziana ritornello : femo coro coi stornei senza fermarse qua! daghe vose, senti che bei ..anca se i sponzi un fia' fior de Bariera putela bela, semplice e sincera te ga' l'incanto de la primavera ! fior de Bariera ! Sangiacomina nissuna piu' de mi se peverina mi volto el mondo co' la parlantina ! Sangiacomina fiori de Greta co' zerti merli disi che me speta se ghe rispondi ...grasie e no se aceta ! fiori de Greta fior de san Vito ma quando 'l giovinoto fila drito xe' inutile ripeterghe l'invito ! fior de san Vito fior de Guardiela volendo far l'amor co' sta putela dimentico anca 'l verde de scarsela ! fior de Guardiela fior de Cologna no zerca bori el nostro cuor che sogna basarse credo che no sia vergogna ! fior de Cologna fior de Marina e volta e gira sempre la triestina davanti de ogni dona la camina ! fior de Marina fior de Trieste fa' come mi, no ste' scoltar proteste spose' putele bele come queste ! fior de Trieste

nostalgie me ricordo quei tempi felici co' fazevo l'amor con Rosina con Maria, la Bruna, la Pina co' le mule de tuto el rion ogni mula un bel fior profumado che nasavo co' i oci seradi visi freschi ma no pituradi e ogni boca una gran tentazion    l'amor xe' un zogheto    che a tuti ghe piasi    xe fato de basi    che vien su dal cuor    de basi infogadi    ch'l sangue el ve impiza    che i lassa una spiza    che invita a l'amor ! co' la luna cucava fra i pini co' la mula filavo al boschetto 'na careza, un strucon, un baseto e promese infiorade de amor ma quei tempi ormai xe pasadi xe pasado el morbin pel galeto xe restado soltanto un vecieto coi ricordi felici nel cuor l'amor xe un zogheto.......

---

e' il testo di una delle canzoni piu' tipiche del triestino verace, forse non conosciuta dai piu' giovani, ma cantata a squarciagola dal sottoscritto nelle sere d'estate assiema alla mia "clapa" di amici, molti anni fa'

  “ o Teresuta “  

c’incontrammo una sera,
per fatal combinazion
mi imbriago, ela disfada
in giardin de la stazion
dopo un mese semo andai
me ricordo un venerdi
su dei frati ……..
mi imbriago ela incandì
- - - - - - - - - -
pena fora dela ciesa
in gostilna semo andai
dopo un ora, mi e Teresa
ierimo duri come stivai
- ritornello :
o Teresuta ti te ieri un miragio, l’ocio de vetro e la gamba de fagio altri difeti ti note gavevi ma te bevevi, sai te bevevi
- - - - - - - - - - - -
mi ghe davo un tanto al mese
che la fasi de magnar
ma coi soldi che ghe davo
la me ‘ndava a sbevazar
dopo averme impegnà
per ‘ndar bever anche el pajon
co’ un altro peteser
la xe scampada a Monfalcon
- ritornello
- - - - - - - - - - - - - - - - -
 ma una sera ci trovammo
soto l’ombra de un fanal
ela piena come un ovo
su la riva del canal
?? ghe gò ligado una piera sul colo
co una piada la gò butada zo del molo
la’ nel canal, un cocal la pareva
ma la beveva, ma la beveva
- ritornello  
- - - - - - - - - - - -
iera tuta la contrada
al fastoso funeral
fina el sinter de Gropada
co la banda comunal
e in fondo del corteo iera 4 papagai
che cantava a squarciagola
l’ino dei alcolizai
mi contrito dal dolore
me son fato un biberon
con do litri de Verona?
po’ me son sgniacà in pajon
- ritornello
- - - - - - - - - - - - -
o Teresuta ti te son in paradiso
mi no vedo più el tuo angelico viso
e del dolor bevo come un imbuto
ma bevo nero, perche son in luto  

---

dopo le nozze carsiche del 1981, girava un foglio ironico e molto spiritoso
l'ho ritrovato tra le mie vecchie carte, e ancora oggi mi ha fatto morir dal ridere
spero di non offendere nessuno, non è mia intenzione
per i non triestini : le scritte sono in un finto triestin/sloveno, un mis-mas, le doppie "ij" alla slovena si leggono come una "i " sola, le "c" all'interno delle parole si leggono "z", la "j" iniziale, si legge come "i"

Carsolini kuliroti
organiza matrimonijo
ke kon hrande pandemonijo
due di loro fa sposar

e difati l'altopiano
pijeno je di animacijone
kori su omini e done
ke sposini vol veder

pijen de osmice e di barake
si presenta Rupingrande
ma di lata le mudande
ti konsilijo di indosar

Je difati tuto karo
el teran? domilaoto !
nel osmica un kuloroto
fin asedo ti darà

jorno d'inauguracijone
fin le oto no si beve
astinenca far si deve
fin ke riva autorità

finalmente pijen si vede
poi di omini in montura
ke vien su per ciapar dura
tanto ...tuto je pagà !

qvando riva i pulicijoti
li je seri e lineati
ma più tardi, come gati
te li trovi drijo kanton

fa teran efeto strano
taja gambe e mola drijo
e la gà kon nostro dijo
quel ke susta gà tradì

bori, skampa kome voda
vin, klobace e strukoleti ...
te va in fila e po' te speti
e te nasi bon odor

Velj Repen jè vilagijo
ke organiza tuto qvanto
jè per tera vino spanto
e su asfalto gomitec

sposi mai nisun li vedi
li jè casa e si prepara
lei si lava la kitara
li fa punta a suo binbin

ma ki paga matrimonio?
natural, jè triestini
ke a miliaija stì kretini
mai no perdi l'okasijon

... di pagare tuto dopio
qvel ke trovi in trgovina
e skarsele si rovina
pur di fare bel matez

karsolini intanto ridi
e si bati sora panze :
jè takù ke le finance
noi podemo solevar

o ministri di governo
ke guidate naša Italija
qvesto metodo no sbalija
hranda festa basta far

(Muadrac)

---

detti in uso nel 1800 :

• alzar la cresta

• aver i oci fodrai de persuto

• aver più pensieri che cavei in testa

• eser bandiereta

• bater broche

• chi no me vol me lassi

• co' le copie se se forbi el cul

• dio li fà e li acompagna  

• sbrissa ma no casca

• beco e bastonà

• la note xè la mare dei pensieri  

• merda che monta sul scagno, o la spuza o la fà dano

• meter la pezeta  

• tirar el scojo e nasconder el brazo

• voler star sentà su dò scagni  

• i sempi xè sempre i primi a farse sentir

• i pedoci ghe và adoso ai poveri

• per portar un morto, ghe vol quatro vivi

• fioi picoli, fastidi picoli, fioi grandi, fastidi grandi

---

cantilena che usava cantarmi mia bisnonna muovendo il dito indice sulla mia mano aperta :

ghiri ghirin gaia
martin su la paia
paia paieta
tak una sciafeta

---

altra cantilena che molti dei piu' anziani ricorderanno, era usata come scherno

pianzoto pestapevere
co' l'oio de bacala'
che missia la polenta
pel povero solda'

---

non posso fare a meno di indicarvi le registrazioni dal vivo, di un mitico personaggio triestino (toscano di nascita) ora scomparso, ma che ha lasciato un ricordo indelebile a coloro che sono accorsi ai suoi spettacoli di cabaret dialettale, il compianto Luciano Bronzi

---

  QUELLI CHE MADE IN TRIEST  

quelli che...;Bravo signor Sindaco!

Quelli che...;telefona a "Dillo al Sindaco" per dirghe che "Sior Sindaco, mi stago in Via Capodistria 7, e difronte casa gavemo un tombin roto" e Robi rispondi "Caro amico citadino, gabbiamo presente il problema e stiamo studiando un piano straordinario per i tombini di Via Capodistria, che sono chiaramente danegiati da le polveri de la Feriera"

Quelli che...;xè tuto colpa de la Feriera. L'effetto serra, la fame nel mondo, la crisi dell'Unione

Quelli che...;scrivi sul giornal che el rinfresco per le nove Rive xè sta oferto da un "noto supermercato cittadino". Chissà quale.

Quelli che...;xè de sinistra e vota Illy

Quelli che...;xè de destra e vota Illy

Quelli che...;vota Illy a la Region e Dipiazza al Comun

Quelli che...;che xè compagni de Rifondazione, ma ga la cravatta de seda sempre in tinta co’ la montatura dei ociai

Quelli che...;Tarieste xè la più bela cità del mondo. (E Parigi? E Londra? E Barcellona)

Quelli che...;xè 30 ani che ogni ano va in campegio a Rovigno

Quelli che...;una volta qua anche le piere parlava "talian" (semmai veneto ndr)

Quelli che...;maledeti istriani

Quelli che...;maledeti "taliani"

Quelli che...;xè 30 anni che staggo qua e ancora "sti monna de mulli i me ciamma terron. Ma vara che mi son natto 'n coppa a S.Giusto, sa?

Quelli che...;s'ciavo xè s'ciavo

Quelli che...;Trieste xè italiana. (E de cognome i fa, no so, tipo Juricich)

Quelli che...;i se disi istriani, odia i s'ciavi, e dopo se i compra la casa a Mačkolje (ma lori i la ciama Caresana)

Quelli che...;Trieste no fa sistema e no supporta l'Unione. (E no te gavevi leto el Picolo tuti sti ani, Fantinel?!)

Quelli che...;ma come, a Roma no i vendi el Picolo?!

Quelli che...;domenica andemo a caminar su la Napoleonica e dopo in osmica

Quelli che...;domenica tutti al Rocco

Quelli che...;mercoledì sera al Madracchio. Pien de cicina

Quelli che...;cò ierimo putei

Quelli che...;el carneval de Muja xè mejo de quel de Rio. (Ospo?)

Quelli che...;te se ricordi quela volta che ierimo imbriaghi? (Quale dele...?)

Quelli che...;te se ricordi cò se fazeva benzina in Yugo?

Quelli che...;la me dà el posto signorina, che son anziana/go el tesserin?

Quelli che...;la cioghi el taxi, signora

Quelli che...;passa l'estate a Barcola beach

Quelli che...;va all'Happy Hour in via S. Nicolò

Quelli che...;te se ricordi le coriere de i Yugo in Piaza Libertà?

Quelli che...;ahhh 'sti cinesi i durerà de Natal a Santo Stefano...

Quelli che...;ga paura de le Lanterne Rosse

Quelli che...;va al Cremcafè ogni matina a le 9 e ordina un capo in b.

Quelli che...;disi che Rovis xè mejo de Illy. Ma i sta parlando de cafè.

Quelli che...;Primo Rovis ga fato tanto per la nostra cità e per sti' poveri veci

Quelli che...;e perché, Nono Berto, inveze?!

Quelli che...;Trieste xè una città con un grande futuro, alle spalle.

Quelli che...;Trieste xè una città cinematografica e letteraria

Quelli che...;va al cafè S.Marco a studiar, per imitar Magris

Quelli che...;xè Magris

Quelli che...;fa la tesi su Svevo e va a lavorar in Civica

Quelli che...;se lamenta che a Trieste no sucedi mai niente

Quelli che...;va a tutti i festival del Miela, anche a veder film vietnamiti sottotitoladi un bielorusso

Quelli che...;el tram de Opcina, xè proprio nato disgrazià, ah?

Quelli che...;la vol due eti de radiceto primo tajo, nostrano?

Quelli che...;xè un pochetin de più, ghe lasso signora?

Quelli che...;va in Piazza Unità a scoltar Pilat

Quelli che...;se paga poco, se magna ben

Quelli che...;ga botega in centro e pianzi sempre el morto. (Zona pedonale o meno).

Quelli che...;el novo Viale ghe par un poco 'na scarpa e un zocolo

Quelli che...;no i sa cos'che sia sto rigassificator, ma i xè contrari

Quelli che...; no i sa cos'che sia sto rigassificator, ma i xè favorevoli

Quelli che...;no se pol

Quelli che...;no so, no gavemo, xè finì, riverà, la vadi de Marchi Goma, lori i ga sicuro

Quelli che...;in Furlania i xè ..ssai più gentili e soridenti

Quelli che...;pensa che qualsiasi posto sia mejo de Tarieste

Quelli che...;in fondo, ovunque i va, i resta sempre triestini

copiato dal sito BORA LA.

eccezionale sintesi del triestino, meritava la citazione

---

la maggior parte delle canzoni e detti triestini sono in verità nati attorno alla fine dell' '800, di ciò che fù più antico, non è rimasta traccia purtroppo, anche se sappiamo per certo che il tergestino era un amante della bella vita e amava cantare e ballare, nel 1400 in un documento inerente ad un processo, si menziona in qualità di testimoni, un gruppo di nottambuli che alle 3 della notte suonavano e cantavano in strada e gia' nel 1300 i triestini festeggiavano il carnevale con grandi balli, sia in piazza che nel palazzo comunale, cosa si suonasse e' un mistero.