Si t’alluntane nun me staje luntano
pecchè te porto sempe dint’’o core.
Si scrivo e penzo a tte mme tremma ‘a mano,
sarrà malincunia, passione, ammore?...
Nun saccio di’ comm’è stù fatto, è strano,
ma ogne mminuto ca ‘nce sta int’all’ore
‘o passo a te sunnà, ma nun è vano,
pecchè accussì sto sempe ‘e buonumore.
Ma tu ‘nce pienze che so’ ddiventato?
Comme ‘a scintilla ca fa appiccià ‘e stelle
nu fuoco dint’’o pietto mm’e’ appicciato.
‘O munno pare fatto ‘e cose belle;
niente po cchiù cagnà chello ch’è stato;
e io volo ‘ncielo pure senza scelle.