I

Torna a essere Cuncetta

Lassa a Lily Kangy,

Sienteme, damme retta

Nun essere acussì;

 

‘a vita nun è chesta,

ma che te cride ‘e fà’?

e doppo che te resta

‘e tutto stu ‘nciucià?

 

‘A fernisce ‘e fà ‘a francese

‘a fernisce ‘e fà ‘a spagnola

Torna ‘a casa ô Conte ‘e Mola

So rimasto sultant’i’

 

Quanta Bebè

Pe’ se spassà

Corrono appriesso a tte

Te stanno a corteggà.

 

               II

‘Na vota si studiave

All’università

Chello ca te ‘mparave

Serveva pe’ campà

 

Ma dimme mo’ che faie

Annura into ‘a tivvù?

 “velina” tu sarrai?

Nun te capisco cchiù

 

‘A fernisce ‘e fà ‘a francese

‘a fernisce ‘e fà ‘a spagnola

Torna ‘a casa ô Conte ‘e Mola

So rimasto sultant’i’

 

Quanta Bebè

Pe’ se spassà

Corrono appriesso a tte

Te stanno a corteggà.

 

              III

Mme piglie pe’ citrulo

Quanno mme vuò’ ammuccà’

Ca tu faie vedè ‘o culo

Pecchè staie a faticà

 

Pur’io fatico e sbatto,

crideme piccerè

che culo mme so’ fatto

ma no p’’o fa vedè

 

‘A fernisce ‘e fà ‘a francese

‘a fernisce ‘e fà ‘a spagnola

Torna ‘a casa ô Conte ‘e Mola

So rimasto sultant’i’

 

Quanta Bebè

Pe’ se spassà

Corrono appriesso a tte

Te stanno a corteggà.