Caronte (dialetto siculo)

Viriti ca all’arba vi vuogliu tutti pronti
Aviti a partiri e farivi stu viaggiu
Vaiu a purtari supra u me varcuni
Ca remi un ‘avi e manca di timuni .

 

Un sacciu di sicuru quantu siti
Ma rugnu a vui li garanzii
Ca ‘nto me lignu ci ni iti tanti
E stipa e stipa e largu sempri c’è .

 

Siti ranni, miriani o picciriddi
Cori un’ aviti chiù ne sintimenta
e sulu chiddu ca v’arresta è nenti .

 

Vacanti siti cuomu ddi cannati ca rita cotta si pigliau d’acitu .

 

Sapiti unni iamu ? Vui u sapiti !
Sapiti aunni, m’aiu a firmari iò
Pi liggi iò ncaricu non’haiu
Mancu di taliarivi n’ta l’uocchi .

 

Ma oi mi sientu di darivi un cunsigliu :
S’aviti ancora sciatu nte purmuna
Arrivurgitivi, pintiti, o me patruni
E di sicuru o nfiernu u n’aggarditi .