Eviva l'avocatt 

 Musicata dal Maestro V. Pinotti

Sòtt i grond del tecc,

duu coeur inamoraa che s'hinn trovaa,

tal qual hann faa i sò vecc,

comincen anca lor a fà l'amor

cont on savor suttil

raccòlt e comprensiv de podè viv

coi bei maner gentil.

E on ventisell legger sora penser,

ghe boffa sora el tecc

l'azur del ciel seren con tanto ben.

Eviva l'avocatt

insèma a la morosa!

Putasca oh pòrca vacca!

Portee chì del bon risòtt,

polaster e cappon

che sien ben nostranòtt,

champagn del gasozee

e tanto vin assee!

E cont el vin sincer,

o bianch o ross che sia

alzemm i nòst biccer...

su daj fasemm legria!

Eviva la Dirce!

Si pòrca vacca!

Col sò moros!