Eviva i spos
Musicata dal Maestro V. Pinotti
Ai nòster quatter spos,
come l'usanza voeur ghe femm de coeur
sincer e caloros
l'auguri tanto bell pussee di stell
lusent del firmament,
che guarden sù d'on mar particolar,
che pòrta on bastiment
de di compagn d'incoeu e tanti fioeu
che giughen sòtt el tecc
bei viscor e content senza on torment.
Ma guarda che belee
la Dirce e la Palmira,
che stile de gran dama
a brazett di sò spositt.
Hinn pròpi bei debon,
guardai l'è on gran piesè.
On dì, sconduu tra i fior
lor hann trovaa l'amor.
E cont el vin quell bon,
barbera o malvasia
svoiemm i bottiglion,
ai spos ghe femm legria.
Evviva la Dirce!
Sì... con la Palmira!
Eviva i spos!