El torna l'orghenin
Musicata dal Maestro C. Merli - U. Marino
La fiòca se deslengua cont el sô.
I nivol gris in ciel eambien color.
La noeuva primavera 'me on bisgiô
anmò la fà sentì el profumm di sò fior.
On dolz penser gentil in ciel el vola
e di tristezz del coeur el te consola.
Chi vess content el voeur, content el sia,
con tucc l'è bell a viv in armonia.
Sonava l'orghenin
ona tiritera,
girava pian pianin
la giostra in sù la fera.
Rotond el gira el mond;
el bell che in alt el gh'era,
in bass el se sconfond
coi omber de la sera.
El sòna e poeu 'l risòna l'orghenin
la stòria di canzon che dann calor
al timid dolz savor d'on bell basin,
robaa dai laber fresch del tò primm amor.
Sui piant, al ciar del dì on poo stonada,
la canta la sigala spensierada.
E sòtt al ciar di stell l'è bell de sera
con tanti amis andà ballà in balera
Ma 'l gir del mond infin
l'è compagn de prima.
De mòda l'orghenin
el torna sù la cima.
L'è inscì che anmò se sent
la veggia tiritera
che per i strad la gent,
la scolta volentera.