El mestee del Michelazz
Se dis al dì d'incoeu che i sindacaa
a sentii lor, gh'hann valid argoment
per controllà el boff del vent.
E senza el sò permess
nemen se pò 'ndà al cess.
Però, per fà el mestee del Michelazz,
mangià e bev, dormì e poeu 'ndà a spass,
gh'è pròpi nò bisògn di sindacaa.
Del zio scior ghe voeur l’eredità.
Stoo bell mestee del Michelazz,
pussee d'on bell mestee,
l'è 'l fior de la speranza
che fin di temp
de quand l'Adamo e l'Eva
hann mangiaa el pomm...
el fà sognà l'umanità
coi oeucc avert.
Le sà perfina quell ch'el mèna el gess,
che anca al dì d'incoeu nassen i fioeu
giamò col camisoeu e per rifless...
la borsa di danee
per fà stoo bell mestee.
Con tucc i sò magii de strolegass,
el pret de Ratanà l'ha ben tentaa
de fà stoo bell mestee... ma 'l risultaa,
a l'è tutt chì: Un pugn de mosch in man.