El mè pradell
Musicata dai Maestri C. Merli - U. Marino - C. Covini
In libertà tranquill
a la ventura,
se pò pur viv content
in d'on pradell,
con quell ch'el gran convent
de la natura
l'ofriss a la giornada
al giust livell.
Gh'ho sì la cà
ma senza saradura,
con l'aria al pòst del mur,
sofitt de stell.
El soeul l'è faa coi roeus
in fioridura.
Tant fresch e vigoros
l'amor gemell.
Col sò soris gentil
de desideri
me fa vedè l'azzur
del paradis
senza penser
lontan di tribuleri.
Per gionta on orelògg
bacucch tobis
el cunta minga el temp
sul mè pradell.
Hinn ball! Ma se fuss ver...