El gamba de lègn
Musicata dal Maestro V. Pinotti
L'era on trenin,
on tròttapian de gran prestigio
che i milanes l'hann battezzaa
gamba de lègn.
E ciff e cioff. ..
per la campagna de volada,
negher de fumm...
di ferrovii l'era on modell.
De chì de là del Pò, a 'stoo trenin,
la gent lombarda
la ghe tegneva...
L'era el sò gamba de legn!
El fa dèn dèn... dèn dèn... dèn dèn...
el giancarlin col campanell,
Col sò frecass nissun le tègn.
Oh se l'è bell! Ma pròpi bell!
A l'era el fior in de l'oggioeu
de mezza Lombardia.
Ma col progress del dì d'incoeu,
el duu de copp gh'hann daa...
e l'hann casciaa via!
In del "bufet"
de la stazion, con la sartina,
al tavolin gh'era anca el scior
comendator.
Tutt ben vestii,
con sù la noeuva magiostrina,
la corteggiava,
el ghe parlava del sò amor.
Lee indiferenta, ma però
con tanta grazia,
col sò crespin
la rinfrescava el decoltee!
Me l'era bell...
el gamba de lègn!