Dessedass ona mattina
Oh come sariss bell,
ma tanto bell
dessedass ona mattina
desora d'on mond noeuv
ch'el gira sù misura
per mì, per tì, per lee,
in doe i desideri
de vita spensierada
fann nò de contrapes
col palpiroeu in banca.
O pur sariss tant bell
rinass al ciar del dì
cont on penell in man
e pittura el doman,
cantand on ritornell
e poeu volà volà
e guardà giò sul mond
che finalment el rid!
El mond l'è bell inscì
domà per chì
se desseda a la mattina
con la certezza in coeur
che quand gh’è la fortuna
ma minga la salud,
la vita a l'è in burasca.
Giugand con la speranza
te sentiret anmò
la vita che la canta.