Danza greca
Ona sera guardavi giò
d'ona finestra averta
sòtta l'ombra del ciel seren
e ricercavi in terra
la manera per ben trovà
quell gran bell fior de ròsa
nascost de sòtta la passion
che l'anima la sògna.
Passion che vola
in sù la Grecia.
La và cercà l'amor
e la fortuna.
Al ciar de luna,
in sù la spiaggia
de sabbia ciel e mar
semper in festa.
Se festeggia come semper
la noeuva primavera.
La ghitara coi mandolin
sonaven su la piazza
per la gent content che ballen
al ritmo d'ona danza
che per i greci a l’è on incant
d'ona magia antiga.